தேவையான பொருட்கள்
1• டின் பால் - 400 ml
2• தண்ணீர் - 100 ml
3• சீனி - 400g
4• பட்டர் - 2 மே.க
5• வெனில்லா - 1 தே.க
6• ஏலக்காய் தூள் - 1/4 தே.க
7• கஜூ (முந்திரி) - 20g
8• உப்பு - சிறிதளவு
செய்முறை
* முதலில் ஒரு தட்டில் பட்டர் தடவி பட்டர் பேப்பர் விரித்து வைத்துக்கொள்ளவும்.
* பின்னர் ஒரு அடி கனமான பாத்திரத்தில் டின் பாலை ஊற்றவும். டின் பால் வந்த டின் க்குள் கால்வாசி அளவுக்கு தண்ணீர் விட்டு கழுவி அதையும் அந்த பாத்திரத்தில் ஊற்றவும்.
* இப்பொழுது அடுப்பை போட்டு இரண்டையும் சிறிது நேரம் கலந்து கொள்ளவும்.
* பின்னர் இதற்குள் சீனியை சேர்த்து அடுப்பை நடுத்தர சூட்டில் வைத்து காய்ச்சவும்.
* கைவிடாது தொடர்ந்து கிளறவும்.
* 15 நிமிடத்தின் பின்னர் பார்த்தால் சிறிது இறுக்கமாக ஆரம்பிக்கும். இந்த நேரத்தில் சிறிதளவு உப்பு சேர்க்கவும். (ஒரு சிடிக்கை அளவு சேர்க்கவும்)
* 20 நிமிடத்தின் பின்னர் 2 மே.க பட்டர் சேர்த்து தொடர்ந்து கிளறவும்.
* 25 நிமிடத்துக்கு பின்னர் அடுப்பை கொஞ்சம் குறைத்து தொடர்ந்து கிளறவும்.
* இப்பொழுது 1 மே.க வென்னிலா சேர்த்து கிளறவும். பின்னர் அதனுடன் சிறிதளவு ஏலக்காய் தூளும் சேர்த்து கிளறவும்.
* பின்னர் 20g முந்திரியை சிறிது சிறிதாக வெட்டி இதனுடன் சேர்த்து கிளறவும்.
* 30 நிமிடத்திற்கு பின்னர் பார்த்தால் சரியான பதத்தில் வரும். சரியான பதம் பார்ப்பதற்கு கரண்டியால் கிள்ளி ஊற்றும் போது கட்டி கட்டியா விழ வேண்டும்.
* அதன் பின்னர் உடனேயே அடுப்பில் இருந்து எடுத்து பட்டர் தடவிய தட்டில் ஊற்றி பரப்பி விடவும்.
* சூடு ஆற முதலே ஒரு கத்தியில் பட்டர் தடவி சிறு சிறு துண்டாக கீறி விடவும். (ஆறிய பிறகு வெட்ட முடியாது)
* நன்கு ஆறிய பின்னர் பரிமாறவும்.
* சுவையான மில்க் டொபி Ready 😊
Post a Comment